Lehenengo egunean Rookien eta Sophomoresen arteko partidua jokatu zen, beste era batera esanda lehen urtekoak bigarren urtekoen aurkako partida jokatu zen. Partidu honetan normala den bezala bigarren urtekoak irabazi zuten eta Cleveland Cavaliers-eko, Daniel Gibson izan zen jokalari baloratuena 11 hiruko saskiratze sartuz 20 saiakeratik.

Partidu honetan Rookien aldetik iaz ACB ligan zeuden bi jokalarik jokatu zuten. Luis Scola eta Juan Carlos Navarro. Scola titularra izan zen eta Navarrok 14 puntu sartu zituen partidu hona jokatuz.

Amaierako emaitzak Sophomores taldearen nagusitasuna adierazten du, 109-136 irabaziz.

Hauek izan ziren jokalari hoberenak:

Rookien aldetik:

Kevin Durant (Seattle Supersonics): 23 puntu 8 errebote 4 asistentzia

Al Horford (Atlanta Hawks): 19 puntu 9 errebote

Sean Williams (New Jersey Nets): 17 puntu 10 errebote

Sophomores taldean:

Daniel Gibson (Cleveland Cavaliers): 33 puntu, 11 hiruko.

Rudy Gay (Memphis Grizzlies): 22 puntu 8 errebote

Jordan Farmar (Los Angeles Lakers): 16 puntu 12 asistentzia

Hau guztia ostiral gauean gertatu zen eta larunbatean New Orleans Arenan ikuskizun ikusgarria ikusi ahal izan genuen. Lehenengo jaurtiketen lehiaketa egin zen eta San Antonio Spurs taldeak irabazi zuen bertan Tim Duncan eta David Robinson bezalako jokalariak parte hartuz.

Honen ondoren, 4 NBA izarrek parte hartu zuten abilidade lehiaketan. Chris Paul, Deron Williams, Jason Kidd eta Dwyane Wade hain zuzen ere.  Wade 2 urtez jarraian txapelduna izan zen baina aurtengoan Deron Williamsek irabazi zuen lehiaketa honetan errekorra eginda.

Hiruko saskiratzeen lehiaketa egin zen beranduxeago, 6 jokalariek parte hartuz. Richard Hamilton, Peja Stojakovic, Steve Nash, Dirk Nowitzki, Daniel Gibson eta Jason Kapono azkeneko hau iazko txapelduna.  Lehenengo fasean Nowitzki, Gibson eta Kapono izan ziren garaile eta beraien artean jokatu zen finala bertan iazko txapelduna garaile izan zen errekorra berdinduz, 25 puntu 30 posibleetatik.

Hiruko jaurtiketen ondoren etorri zen ikuskizuna New Orleansera Jamario Moon, Rudy Gay, Dwigth Howard eta Gerald Greenen eskutik, azkeneko honek iaz irabazi zuen. Lehenengo fasean izugarrizko mateak ikusi ondoren Jamario Moon eta Rudy Gay kanporatuak izan ziren eta finala beste bi jokalarien artean jokatu zen. Azkenik Gerald Greenek ezin izan zuen Howard gailendu.

Igandean jokatu zen denek espero zuten partidua, NBA-ko izarren partidua. Mendebaldekoek ezin izan zuten ekialdekoei irabazi eta orain dela 2 urte bezalaxe LeBron James jokalaria izan zen jokalari baloratuena. 134-128 irabazi zuten ekialdekoak.  Partiduko jokalari hoberenak hauek izan ziren:

Western Conference:

Chris Paul (New Orleans Hornets): 16 puntu 14 asistentzia

Carmelo Anthony (Denver Nuggets): 18 puntu 7 errebote

Brandoy Roy (Portland Trailblazers): 18 puntu 9 errebote 5 asistentzia

Eastern Conference:

LeBron James (Cleveland Cavaliers): 27 puntu 8 errebote 9 asistentzia

Ray Allen (Boston Celtics): 28 puntu

Dwigth Howard (Orlando Magic): 16 puntu 9 errebote

[kml_flashembed movie="http://www.youtube.com/v/rt128LcqfOE" width="425" height="350" wmode="transparent" /]

15-2ko partziala lortu zuten etxekoek lehenengo zazpi minutuetan, laurdenaren amaierara 22-14ko emaitzaz iritsi ziren, Duranek 11 puntu lortuz etxekoentzat. Bigarren laurdena hobe hasi zuten Azpeitiarrek 1-8 partziala lortuz eta horrela puntu batera hurbilduz. Hala eta guztiz, kanpotarrek eginiko teknika baten ostean eta Ordiziarrek jaurtiketa libreetan zuten portzentai altuari esker alde egin zuten markagailuan atsedenaldira iritsi aurretik, 43-35 atsedenaldian.

Atsedenaldian kanpotarren entrenatzaileak bere jokalariei bronka bota ondoren motibazio handiagorekin atera ziren kantxara, 27. minutuan 47-50eko emaitza ageri zen markagailuan, baian Duranen hiruko bat eta Azpeitiarren aurka pitatutako teknika bat hegoak eman zizkien etxekoei eta 59-53ko emaitzaz iritsi ziren 3. laurdeneko amaierara. Azkeneko laurdena eroa izan zen, baloia kanasta batetik bestera ari zen denbora guztian, Ordiziarrak abantaila mantentzen jakin zuten eta amaierara 80-75eko emaitzaz iritsi ziren.

Honela Azpeitiarrek beraien lehen partida galdu zuten eta Ordizia da Iraurgiri 55 puntu baino gehiago sartu dioten talde bakarra. Honez gero, partidu bat bakarrik falta da eta Ordiziak Zarautzen aurka jokatuko du kanpoan, garaipena behar du final erditara sailkatzeko 3. postuan. Galdu ezkero 4. sailkatuko ziren eta agian final erdietatik kanpo, beraz, irabazi egin beharra daukate eta kito.

Saskiratzaileak:

Ordizia KE 80 (22+21+16+21): Villar (9), Ibeas (17), Izagirre (4), Durán (30), Garcia (13)- boskote titularra- Aracama (6), Irastorza (1), Furundarena (0), Urquijo (0), Gabriel (0).

Lasao Altzariak ISB 75 (14+21+18+22): Gartzia (0), Enaitz (6), Segurola (2), Koldo (3), Urbizu (7)-boskote titularra- Aznal (2), Azkue (20), Artola (15), Luis (2), Beñat (0), Irulegi (4), Etxaniz (14).